Skapandi skrif og teikning fyrir börn (á öllum aldri) – Cool Design Iceland ehf

Skapandi skrif og teikning fyrir börn (á öllum aldri)

4.200 kr

VIRKJUN Á MEÐFÆDDU HUGARFLUGI BARNA
Hvílum blessuð börnin frá skjánum og leyfum þeim að leika sér með liti og penna og gefa meðfæddu hugarflugi sínu lausan tauminn.

Þessi skemmtilegi pakki er góð hjálp fyrir börn til að byrja að skrifa og teikna sína eigin bók! ... OG ... Tékkaðu að þessu sem er samkeppni hjá RÚV fyrir börn í skapandi skrifum !! - hversu kúl er það?

Textaskrif auka orðaforða, æfa skrift og stafsetningu.

Sagt er að maður verði ekki rithöfundur með því að skrifa eingöngu heldur er líka nauðsynlegt að lesa. Lesum saman eða fyrir börnin því bókalestur kveikir á  góðum hugmyndum fyrir þeirra eigin skrif og sköpun. 

Samspil mynda og texta er ávallt heillandi, að skrifa og teikna eigin texta styrkir bæði huga og hönd.

Góð og uppbyggjandi gjöf þar sem lærdómur og leikur fara vel saman.

Í pakkanum er ýmislegt skemmtilegt fyrir litla rithöfunda til aðstoðar við sköpunarverkið. Í aðalhlutverki eru Bókaálfarnir sjö sem eru alls konar í útliti en hvert þeirra hefur sín sérkenni má nefna hund með gogg og fjaðurskott og kött með langan háls og aðeins tvær lappir.

Bókaálfarnir sjö segja okkur að engir tveir séu nákvæmlega eins en öll erum við einstakar verur alveg óháð útliti eða sérkennum.

Þessar áherslur eru hugsaðar sem leiðarljós í sögugerð hinna ungu rithöfunda.

Með því að skrifa og hugsa um samkennd, samhug og fjölbreytileika styrkist þeirra eigin sjálfsmynd og þau skilja jafnframt betur að styrkur og mikilvægi hverrar persónu er í hjarta viðkomandi.

Í PAKKANUM ER EFTIRFARANDI:

  • Bókamerkin „Bókaálfarnir 7“
  • Forprentuð vinnublöð til að skrifa og teikna á
  • Arkir með fígúrum til að klippa út
  • Trélitir
  • 20% afsláttur hjá Pixel til prenta/fjölfalda bókina!